Ma qua’ pueta! di Matteo Pasquariello

Presentiamo una lirica breve del poeta Matteo Pasquariello, casertano. E’ nato a S. Nicola la Strada, vive a Sala. La fresca ed immediata poesia dialettale di Matteo ha avuto vari riconoscimenti nonostante il rifuggire del poeta dalla folla e dal clamore.

L’esser pueta, nun è sciorta d’’a mia!

Però, quanno me pigli’’a sfrennesìa,

quacche verso, ‘o metto ‘ncop’’a carta

e ddoppo scritto, ‘o piglio e ‘o mett’’a parte.

Cu ‘o tempo, po, ‘o strajio dall’ammilòcca,

‘o rilèggio, ce recamo, po, ‘o retocco,

ma da Catullo a mmo, tant’è ‘o scenario,

ca i’, da passariello solitario,

avasci’‘o vuol’e vvaco p’aree agreste,

ca si ‘a vita è nu sguardo d’’a finesta.

e cchest’è ‘a scena e scritt’è ‘o cannavaccio,

a cchi putria ‘mpurtà’ si o no m’affaccio?

Eppo’, tale e ttante so ‘e licorde mie,

che ‘n’affacciata nun ce bastarrìa

(e ssi so amare, s’annégli’’a fantasia)!

Però, quanno me pigli’’a sfrennesìa…

Matteo Pasquariello